سيما عباسي

عزيز ڪنگراڻي

سيما عباسي

سيما عباسي سنڌي ٻوليءَ جي بهترين شاعر ۽ ڪهاڻيڪار آهي  سيما عباسي جو اصل نالوسيما پروين عباسي آهي. سيما 18 اپريل 1973ع تي لعل محمد عباسي جي گهر ۾ لاڙڪاڻي ۾ پيدا ٿي. هن ابتدائي تعليم گورنمينٽ پرائمري اسڪول لاڙڪاڻي مان 1982ع ۾ حاصل ڪئي. مئٽرڪ پرائيويٽ  طور گورنمينٽ گرلس اسڪول لاڙڪاڻي مان 1987ع ۾ پاس ڪيائين. جڏهن تہ بي.اي پڻ  گورنمينٽ گرلس ڊگري ڪاليج لاڙڪاڻي منجهان گرلس ڪاليج مان 1992ع ۾ پاس ڪيائين. ايم اي شاھ عبداللطيف يونيورسٽي خيرپور ميرس مان 1995ع ۾ پاس ڪيائين. سيما 2005ع ۾ پبلڪ سروس ڪميشن جو امتحان پاس ڪري لاڙڪاڻي گورنمينٽ گرلس ڊگري ڪاليج ۾ ليڪچرار مقرر ٿي ۽ علمي ادبي خدمتون سرانجام ڏيڻ شروع ڪيائين. سيما لکڻ جي شروعات 1985ع کان ڪئي. نوڪري جي شروات ڪئي۔ هن اردو ۽ سنڌي ٻوليءَ ۾ لکيو آهي. سندس پهرين لکڻي اردو ڊائجسٽ سچي ڪهانيان ۾ ڇپي. سندس شاعري توڙي ڪهاڻيون ڪاوش، ھزار داستان ڊائجسٽ، آداب عرض، سورمي، سنڌ  راڻي، نئي آس، سچي ڪهاڻي ان رسالن، نواءِ وقت ۽عوامي آواز اخبارن ۾شايع ٿيل آهن. لکڻين تي مشتمل پهريون ڪتاب
‘لفظن ڀوڳيو آ بنواس’ سال 1916ع ۾ ڇپيو. سيما
سنڌي ادبي سنگت ڪراچي، آرٽس ڪائونسل ڪراچي، ينگ رائيٽرس فورم حيدرآباد، ادبيات اڪيڊمي ڪراچي جي عهديدار ۽ ميمبر پڻ رهي آهي.  کيس مڃتا طور ينگ رائيٽرس فورم  ڪراچي سپر ايڪسيلينس ايوارڊ بہ مليل آهي. سندس ادبي مڃتا طور مختلف رسالن طرفان سندس مڃتا نمبر پڻ ڇپيل آهن.